२०५५ साल देखि +२ अवधारणा बमोजिम माध्यमिक विद्यालयमा १० +२ को शुरुभएको थियो । यस क्षेत्रका आर्थिक विपन्नले घर देखि टाढा गएर पढन असमर्थ छात्रछात्राहरुलाई कक्षा १२ सम्मको शिक्षा प्रदान हुदै आएको यस विद्यालयमा वि.स. २०७२ साल देखि प्राविधिक तथा व्यवसायिक शिक्षाको क्षेत्रमा कम्प्यूटर इन्जिनियरिङ्ग विषयमा ९–१२ सम्मको पढाई शुरु ग¥यो । वि.स. २०७४ साल देखि शिक्षा मन्त्रालयको नमुना विद्यालयको रुपमा सञ्चालन भई रहेकोछ । २०८० साल देखि विज्ञान विषयमा ११–१२ को पढाई शुरु भएकोछ । नमुना विद्यालय विकासका लागि विद्यालय सुधार योजनाले मार्ग दर्शन गरेको नमुना बजेटको आधारमा सु–सम्पन्न भौतिक संरचना निर्माण आधुनिक प्रविधि मैत्री, गुणस्तर युक्त, सक्षम र सुविधा सम्पन्न पहिलो श्रेणीको विद्यालय बन्ने लक्ष्यका साथ आफ्नो छविलाई उच्च पार्दै सफलताको सिढी चढदै अगाडी बढी रहेकोछ ।

भौगोलिक स्थित :

चन्द्रा नमुना माध्यमिक विद्यालय, सप्तरी जिल्लाको वोदे बरसाईन नगरपालिकाको वडा नं. ५ मा अवस्थित छ । हुलाकी राजमार्ग परियोजना अन्तर्गत हाल निर्माणधिन अवस्थामा रहेको राजविराज–सिरहा सडक खण्ड र पूर्व पश्चिम महेन्द्र राजमार्गको विसनपूर चौक देखि सुवर्णपट्टी सडकको मिलनविन्दु शत्रुघ्न चौक देखि करिब ६०० मिटर पश्चिम दुरिमा संचालित छ । सप्तरी जिल्लाको सदरमुकाम राजविराज देखि १६ कि.मी. पश्चिम र विसनपूर चौक देखि ८ कि.मी. दक्षिणको दुरिमा रहेको छ । भारतीय सीमाना यहाँबाट करिब ९ कि.मी. दक्षिणमा पर्दछ । नगरपालिकाको विद्यालय संचालित वडा नं. ०५ मा हाट वजार, विजुली, टेलिफोन, सशस्त्र प्रहरी वेश क्याम्प, इलाका प्रहरी कार्यालय, कृषि विकास बैंक तथा वित्तीय संस्थाहरु लगायत अन्य सरकारी तथा गैर सरकारी कार्यालयहरु रहेका छन् । हुलाकी राजमार्ग विद्यालयको दक्षिण सीमाना हुदै पूर्व पश्चिम फैलिएर रहेको छ । उत्तरमा खड्क न.पा. दक्षिणमा भारतीय सीमाना पूर्वमा डाक्नेश्वरी न.पा. र पश्चिामा बलान विहुल गाउँपालिका अवस्थित वोदे बरसाईन न.पा.मा जम्मा १० वटा वडाहरु छन् । साविक वोदे बरसाईन, फुलकाही, मानराजा, खड्कपुर, काचन, देउरी, सारस्वर, धनगढी, नेगडा गा.वि.स.समेटेर वोदे बरसाईन न.पा.को निर्माण भएको छ । मानराजा गढी र लक्ष्मीनारायण मन्दिर मुख्य पर्यटकीय क्षेत्रका रुपमा रहेका छन् । उत्तरमा यसै न.पा.को वडा नं. ४ र दक्षिणमा ६ र ७ पश्चिममा ३ र पूर्वमा खडक तथा डाक्नेश्वरी न.पा.को बीचमा रहेको वडा नं. ०५ को मुख्य बजार भन्दा पश्चिम तर्फ न.पा.को कार्यालयको छेउमा यो विद्यालय विद्यमान रहेको छ । प्राकृतिक रुपले पूर्वमा खडक नदी छ भने पश्चिमका विहुल नदी जसका चपेटामा यस विद्यालयका केही जग्गा जमिनहरु परेका छन् । हाल यहाँको बाटो घाटोको अवस्था पनि सुदृढ तर्फ बढदैं गरेको छ । यस विद्यालय सँग १६१ विघा ३ कठा र ६.५ धुर (१६१–०३–६.५) जग्गा रहेको छ । लगभग ७ विघामा रहेको विद्यालय परिसर भित्र भौतिक संरचना खेल मैदान करेसावारी, पोखरीहरु रहेका छन् । १६१–०३–६.५ मध्ये विद्यालय परिसर बाहेक १५४ विघा जग्गा खुला रुपमा छ, जसभित्र पोखरी, खेतीयोग्य जमिन, बगैंचा र केही पर्ती जग्गा पनि पर्दछन् । स्थापना कालमा विद्यालय टहरोमा संचालन भएको हुँदा ३÷३ पटक आगलागि भयो । गलत मानसिकता भएको व्यक्तिहरुको दु साहस वावजुद पनि विद्यालयको स्थापना भयो र यसलाई न्यूनिकरण गर्न यस भेगका वोदे बरसाईन निवासी जमिनदार दाता स्व. शत्रुघ्न प्रसाद सिंह यादवज्यूबाट पक्की घर निर्माण कार्य अगाडी बढाइयो । मिश्रित वसोवास रहेको यस श्रेत्रमा मुख्य गरी हिन्दु र मुश्लिम धर्म मान्ने समुदायहरुको वसोवास रहेको छ । यहाँको हावापानी समशितोष्ण खालको छ भने उत्तरी भागमा सामान्य मौसम र दक्षिणी भेगमा गर्मी हुने गर्दछ यस क्षेत्रमा जाडोमा अति जाडो र गर्मीमा अति गर्मी हुने गर्दछ । यहाँ ६ महिना निक्कै न्यानो वातावरण र ६ महिना कुनै कुनै ठाउँमा निक्कै चिसो प्रकृतिको हावापानी महसुस गर्न सकिन्छ ।